யோகா மருத்துவ அலுவலர் பணியிடங்களுக்கான விண்ணப்பங்கள் வரவேற்பு

யோகா மற்றும் இயற்கை மருத்துவக் கல்லூரிகளில் உதவி மருத்துவ அலுவலர் பணியிடங்களுக்கு விண்ணப்பிக்கலாம் என்று தமிழ்நாடு மருத்துவப் பணியாளர் தேர்வு வாரியம் அறிவித்துள்ளது.

யோகா மற்றும் இயற்கை மருத்துவத் துறையில் உதவி மருத்துவ அலுவலர் அல்லது விரிவுரையாளர் நிலை - 2 பணியிடத்துக்கு 73 காலியிடங்கள் உள்ளன. இந்தப் பணியிடங்களுக்கு தற்காலிக முறையில் பணியாளர்கள் நியமிக்கப்பட உள்ளனர்.

இணையதளம் மூலமாக மட்டுமே இந்தப் பணியிடங்களுக்கு விண்ணப்பிக்க வேண்டும். விண்ணப்பங்களை அனுப்புவதற்கு 

மே 7 -ஆம் தேதி கடைசியாகும்.

எழுத்துத் தேர்வு மற்றும் தமிழக அரசின் இடஒதுக்கீட்டு விதிமுறைகள் ஆகியவற்றைப் பின்பற்றி பணியிடங்கள் நிரப்பப்படும். எழுத்துத் தேர்வு ஜூன் 24 -ஆம் தேதி சென்னையில் நடைபெறும்.

இதுதொடர்பான கூடுதல் விவரங்கள், விண்ணப்பிக்கும் நடைமுறைகள் ஆகியவை www.mrb.tn.gov.in என்ற இணையதளத்தில் வெளியிடப்பட்டுள்ளன.